主页 > J点生活 >Tsum Tsum派对嘉年华 >

Tsum Tsum派对嘉年华


Tsum Tsum又嚟啦!今次喺台北有个限定主题派对嘉年华,成个园区总共有5大游戏摊位、3大影相位同多款自製饰品礼物店。各位可以又买又玩,仲可以同心爱嘅人一起DIY,展期仲会横跨情人节同新年,无论係情侣定係一家大细,都好适合。

text:Ellissa | photo:资料图片

台北Tsum Tsum嘉年华

今次Tsum Tsum派对嘉年华将会喺1月25日开始举办,位于台北101水舞广场。届时将会有5大游戏摊位、3大影相打卡位同多款自製饰品礼物店。

Tsum Tsum派对嘉年华
展览横跨情人节,如果预备出游台北的情侣可以考虑去玩。
Tsum Tsum派对嘉年华
园区地图望落位置几大,影相位分布全场各区。
5大Tsum Tsum主题游戏

5个游戏里面有不少都係童年回忆,有巨型弹珠檯、係小编细个上电脑堂必定偷玩嘅游戏。而且仲会有特製地板整成的溜冰场,大家可以好自由咁走嚟走去。

Tsum Tsum派对嘉年华
简直就係弹珠檯巨型版本,同友人一起重拾童年回忆。
Tsum Tsum派对嘉年华
呢个游戏应该係需要朋友一起挑战,所以记得搵多几个人一起去玩。
Tsum Tsum派对嘉年华
就好似海洋公园揼青蛙个个经典游戏,同一个玩法,但有唔同嘅刺激。
Tsum Tsum派对嘉年华
将投篮同bingo二合为一嘅游戏,又考球技,又考智力。睇嚟要顺利过关未必容易。
Tsum Tsum派对嘉年华
户外溜冰或者係全场最刺激嘅游戏!用特质地板製造溜冰感觉,小编都好想试玩。
3大Tsum Tsum主题拍摄位

话明係Tsum Tsum party,点可以无得影相呢?主办单位就好贴心地特登安排3大影相位畀各位尽情取景。除了门口的多个卡通汽球装置、仲有小飞象热气球同埋5米高嘅朱古力Tsum Tsum甜品屋,可爱造型极度吸引!

Tsum Tsum派对嘉年华
红色爆谷盒更添新年喜庆气氛,期待大家去影相。

Tsum Tsum派对嘉年华

Tsum Tsum派对嘉年华
巨型5米高的朱古力屋,加上Tsum Tsum 卡通,见到都想影返张相。
多款自製礼物DIY

除咗玩游戏同影相,当然唔少得DIY礼物啦,适逢新年同情人节,最啱就係整畀屋企人同男/女朋友。自製布袋、颈枕、仲有型格皮革、梗有一款适合你。同场加映多款Tsum Tsum可爱精选纪念品,甚至有专为新年而设嘅挥春同利是封,各位记得去大手入货啦!

Tsum Tsum派对嘉年华
可以自製角色布章、仲有小物收纳袋,唔知实物係点呢?
Tsum Tsum派对嘉年华
就连颈枕都可以自製,自己拣图案同柔软度。
Tsum Tsum派对嘉年华
皮革配件今年大热,谂唔到情人节礼物可以机场DIY。
Tsum Tsum派对嘉年华
除咗利是封、挥春,仲可以喺度寄postcard,各位Tsum Tsum迷一定唔可以错过。
Tsum Tsum派对嘉年华
除咗自製礼物,当然係有好多卡通精品同衫买。

Tsum Tsum派对嘉年华

日期:1月25日-3月4日

时间:星期一至四(1-9:30pm)/星期五及国定假日前夕(1-10pm)/星期六(12nn-10pm)/星期日(12nn-9:30pm)

地点:台北101水舞广场

入场费:NT500/HK$125

网址

延伸阅读:台北西门町家乐福|24小时超市疯狂买手信:当造水果+有机农产品+台湾名物

Tsum Tsum派对嘉年华延伸阅读:$10蚊有得浸温泉!台北北投「千禧汤」6个露天浴池+日式设计+必食雪条

Tsum Tsum派对嘉年华

上一篇: 下一篇: